揀外傭幫手照顧屋企人，好多時要睇吓需要照顧咩對象。如果係湊老人家，印尼姐姐通常會多人請啲，事關佢哋有部份識聽識講啲簡單廣東話，老人家唔識英文都溝通到。
至於湊細路哥，好多家長會偏向請菲傭，事關菲律賓姐姐普遍學歷高啲（中學或者大專畢業），英文講得流利，可以幫手教小朋友學英文。
要留意嘅係，兩個地方嘅工人姐姐工作風格幾唔同。
菲傭因為讀過多啲書，通常醒目啲有自己諗法，不過有時會冇咁聽教聽話；印尼姐姐就比較順得人意，做嘢會跟足僱主指示。另外請印傭要特別注意宗教習慣，佢哋多數係穆斯林，面試時記得問清楚肯唔肯掂豬肉同煮豬肉菜式。仲有呀，虔誠教徒每日要拜五次同埋有齋戒月，僱主最好簽約前同工人姐姐傾清楚生活習慣，睇吓自己屋企係咪配合到，咁樣之後就冇咁易有拗撬啦！
#菲傭[话题]# #菲傭阿姨[话题]# #工人姐姐[话题]# #印傭[话题]# #印傭帶孩子[话题]# #請印傭[话题]#
